Seven Days Weather Forecast (Multan)

May 06, 2021
Thursday
May 07, 2021
Friday
May 08, 2021
Saturday
May 09, 2021
Sunday
May 10, 2021
Monday
May 11, 2021
Tuesday
May 12, 2021
Wednesday
Morning = 8AM, Noon = 2PM, Night = 8PM
Weather
Temp °C (Min/Max) 26 / 37 23 / 37 25 / 40 25 / 41 26 / 42 26 / 42 27 / 40
Wind Speed(km/h)/Direction up to 17 / NW up to 7 / SW up to 13 / SE up to 14 / SE up to 18 / NW up to 12 / SW up to 13 / NE
Relative Humidity (%)
Morning / Noon / Night
62 / 52 / 57 65 / 55 / 60 55 / 45 / 50 66 / 56 / 61 67 / 57 / 62 65 / 55 / 60 66 / 56 / 61

Crop based agro-advisory for the farmers of South Punjab

Updated every Monday and Thursday.

 

کپاس

کپاس کی کاشت جلد از جلد مکمل کریں۔ 15 مئی کے بعد کا شتہ فصل کی پیداوار بری طرح متاثر ہوتی ہے۔بجائی سے پہلے زمین میں گہرا ہل چلائیں۔ پچھلی فصل کے باقیات کو زمین میں ملائیں تاکہ بجائی میں دشواری نہ ہو۔ بجائی کے لئے علاقے کی مناسبت سے منظور شدہ اقسام کا اچھی کوالٹی کے بیج کا انتخاب کریں۔ منظور شدہ اقسام میں ایم این ایچ 1020، 1026، 1035، سی آئی ایم 343 ، 663 ، نیاب 1011، 878، بی ایس 20، آئی یو بی 13، ایف ایچ 142، ایف ایچ لالازارقابلِ ذکر ہیں۔پٹریوں یا کھیلیوں پر کاشت کے لئے 75 فیصد سے زائد اگاؤ والا بیج 6سے 8 کلوگرام استعمال کریں جبکہ ڈرل کاشتہ فصل کے لئے بیج 10 کلو گرام استعمال کریں۔ بیج کو پھپھوند کش اور کیڑے ما ر ادویات لگا کر کاشت کریں۔ پٹریوں پر کاشت سے فصل کا اگاؤ روایتی کاشت کی نسبت بہتر ہوتا ہے ۔ پٹریوں کے درمیان فاصلہ اڑھائی فٹ اور پودوں کے درمیان فاصلہ9انچ رکھیں۔ چوپے کی صورت میں مقرر کردہ فاصلے پر 4سے 5 بیج لگائیں تاکہ پودوں کی فی ایکڑ مطلوبہ تعداد حاصل کی جا سکے۔ پٹریوں پر کاشتہ فصل کی بوائی کے 24 گھنٹے کے اندر جڑی بوٹیوں کے اگاؤ سے پہلے زہروں کا سپرے کریں۔ زرعی زہروں کا انتخاب سابقہ سالوں میں پائی جانے والی جڑی بوٹیوں کی اقسام کو مدِ نظر رکھ کر کریں۔بجائی کے وقت فاسفورس اور پوٹاش والی کھادوں کی پوری مقدار جبکہ نائٹروجنی کھادوں کی ایک تہائی مقدار استعمال کریں۔

 

گنا

کماد کی آبپاشی کا وقفہ موسم کی مناسبت سے 10 سے 12 دن رکھیں ۔ویر سے کاشتہ کماد میں نائٹروجنی کھادکی پہلی قسط جلد ازجلد مکمل کریں ۔ کماد کا اگاؤ مکمل ہونے کے ایک ماہ بعد سیاڑوں کے درمیان بذریعہ کلٹیویٹر گوڈی کریں۔کماد میں کالی کیڑی (بلیک بگ) کے حملے کی صورت میں محکمہ زراعت کی مشاورت سے زہروں کااستعمال کریں۔

 

آم

اس وقت پھل کی جسامت کافی بہتر ہو گئی ہے اور بہت سارا پھل گچھوں کی شکل اختیار کر گیاہے ۔ یہ وہ صورت حال ہے جس میں بورر کے حملے کا سب سے زیادہ خطرہ ہوتا ہے ۔ بہت سے علاقوں میں جہاں آم کی جسامت بہتر ہو گئی ہے وہاں بورر کے حملے کی شکایات مل رہی ہے۔ روزانہ کی بنیاد پر پھل کا معائنہ کریں اور بورر کے حملے کی صورت میں اس کا فوری تدارک کریں۔بورر کےتدارک کے لئے پودے کے بٹور کی مکمل صفائی اور پودے کی چھتری کے نیچے سایہ دار جگہ پر چوڑے پتے والی جڑی بوٹیوں کا خاتمہ کریں۔پودے کے نیچے گرے ہوئے پھل ہر تیسرے دن اٹھائیں اور انہیں تلف کریں۔ اس وقت آم کا تیلا بھی کچھ علاقوں میں وبائی شکل اختیار کر رہاہے جو اس فصل کو بری طرح متاثر کرتا ہے ۔اس لئے محتاط رہیں اور ضرورت پڑنے پر بروقت تدارک کریں تاکہ پیداوار متاثر نہ ہو ۔ یہ تیلا روایتی ادویات سے کنٹرول نہیں ہوتا بلکہ 2 یا 3 مخصوص ادویات ہی اس کا صحیح کنٹرول کر پا تی ہیں اس لئے محکمہ زراعت کی مشاورت سے اس کا تدارک کریں۔ پھل کی مکھی کی مانیٹرنگ کے لئے پھندے لگائیں۔باغات کو حسب ضرورت آبپاشی کریں۔ کمزور یا بیمار پودوں کو محکمہ زراعت کی سفارشات کے مطابق صحت مند بنانے کے لئے جہاں اونچا تھلہ (ریزڈ بیڈ) بنائیں۔ بڑے باغ میں موجود چھوٹے پودوں میں حفظانی تہہ ( ملچ) کے استعمال کو یقینی بنائیں۔

 

Description of Weather Symbols

Sunny Mostly Sunny Cloudy Partly Cloudy
Cloudy Light Rain Partly Cloudy Thunder Rain Thunder Rain Thunder Shower
Rain Shower Haze FOG Smoke