- Weekly: Above normal daytime temperatures were observed all over the country except Punjab during the last week.
- Weekly: Light to moderate rainfall (with few heavy falls) reported from Punjab, Khyber Pakhtunkhwa, and Kashmir.
- Decadal: Highest maximum temperature recorded as 44ºC at Dadu and Turbat during the last decade.
- Decadal: Highest precipitation received as 105mm in MalamJabba during the last decade.
- Decadal: Moderate to high rainfall was observed in the agricultural plains of the country except Sindh where light rainfall was observed during the decade.
Welcome to National Agromet Centre
Pakistan Meteorological Department (PMD) is both a scientific and a service department, and functions under the Cabinet Secretariat (Aviation Division). It is responsible for providing meteorological service throughout Pakistan to wide variety of interest and for numerous public activities and projects which require weather information. National Agromet Centre (NAMC) is an important division of PMD which has been setup to relate meteorological services to the most important agriculture sector of the country so as to promote the overall status of farming community. NAMC has thus been extending its services since its establishment.
Present Condition of Agricultural Crops on 13th September, 2021 Wheat Archives Cotton Archives
-
Cotton (Boll Opening Stage) at RAMC Tandojam
-
Cotton (Boll Opening Stage) at RAMC Faisalabad
Our Products
Joint Agro-advisory by PMD & MNS-University of Agriculture, Multan
کپاس
موسم کی صورتحال کو مدِ نظر رکھتے ہوئے کپاس کی آبپاشی جاری رکھیں ۔ نائٹروجنی کھاد کا مزیداستعمال نہ کریں ۔ جہاں فصل کی بڑھوتری کم ہو تو وہاں این پی کے سپرے کریں ۔ فصل میں موجود کیڑوں کا ہر تین دن بعد معائنہ کریں۔ رس چوسنے والے کیڑوں میں سفید مکھی کے تدارک کے لئے نقصان کی معاشی حد پر موسم کی صورتحال کو مد نظر رکھتے ہوئےمناسب کیڑے مار ادویات کا سپرے کریں ۔ سفید مکھی کے بالغ کے تدارک کے لئے فلونیکامڈ 60 گرام بحساب 100 لیٹر پانی فی ایکڑ سپرے کریں۔ سفید مکھی کے بچوں کے کنٹرول کے لئے پائریپروکسیفین 400 ملی لیٹر بحساب 100 لیٹر پانی فی ایکڑ سپرے کریں۔ جہاں کپاس کی فصل کے پتوں کا رنگ کالا پڑ رہا ہو وہاں کاپر آکسی کلورائیڈ 300 گرام بحساب 100 لیٹر پانی فی ایکڑاستعمال کریں ۔ پہلے سے لگے ہوئے جنسی پھندوں میں جنسی کیپسول 15 سے 20 دن کے وقفے سے تبدیل کریں۔ گلابی سنڈی کے حملے کا خطرہ بڑھ رہاہے اس کی نگرانی پر خصوصی توجہ دیں۔ گلابی سنڈی کی نگرانی کے لئے جہاں پی بی روپس لگے ہوئے ہیں وہاں گلابی سنڈی کے پروانوں کا معائنہ کرتے رہیں ۔ گلابی سنڈی کے حملہ بڑھنے کی صورت میں کاشتکار سات دن کے وقفے سے تین سپرے کریں۔پہلا سپرے سپنٹورام 100 ملی لیٹر بحساب 100 لیٹر پانی فی ایکڑ جبکہ دوسرا سپرے گیما سائی ہیلوتھرین 100 ملی لیٹر بحساب 100 لیٹرپانی فی ایکڑ اور تیسرا سپرے ٹرائی ایزو فاس اور ڈیلٹا میتھرین کا مکسچر 600 ملی لیٹر بحساب 100 لیٹر پانی فی ایکڑ استعمال کریں ۔ گلابی سنڈی کے تدارک کے لئے غیر ضروری سپرے ہرگز نہ کریں۔ کپاس کے پودے اگر ٹکڑیوں کی صورت میں سوکھنا شروع ہو جائیں تو فوری طور پر تھائیوفینیٹ میتھائل 300 گرام فی ایکڑ فلڈ کریں ۔کپاس کی چنائی اس وقت کریں جب 40 سے 50 فیصد ٹینڈے کھل جائیں۔چنائی صبح دس بجے کے بعد شروع کریں اور شام 4 بجے بند کردیں۔چنائی نچلے حصے سے شروع کریں۔ ایک چنائی سے دوسری چنائی کا درمیانی وقفہ 20 دن سے کم نہیں ہونا چاہئے۔ چنی ہوئی پھٹی ترپال یا سوتی کپڑے کی چادر پر صاف اورخشک جگہ پر رکھیں۔ پھٹی کے ڈھیر زیادہ بڑے نہ بنائیں۔
آم
دیر سے پکنے والی اقسام میں پھل توڑنے کے بعد فاسفورس اور پوٹاش کی کھاد ڈالیں ۔ نائٹروجنی کھادیں ہرگز استعمال نہ کریں۔تمام اقسام میں ضروری کانٹ چھانٹ کا عمل جاری رکھیں ۔ آم کی شاخ تراشی کے بعد بڑی شاخوں پر بورڈو پیسٹ بحساب 1:1:10 لگانا ضروری ہے۔ مکمل پودے پر کاپر پر مشتمل مناسب پھپھوند کش ادویات کا سپرے کریں۔جن درختوں پراس سال پھل نہیں لگایا نئی منزلیں کافی تعداد میں موجود ہوں تو ایسے پودوں کو نایٹروجنی کھاد ہرگز نہ ڈالیں البتہ فاسفورس اور پوٹاش ضرور استعمال کریں۔ اجزائے صغیرہ جس میں بوران، کاپر ، زنک شامل ہیں ان کا استعمال زمین میں کریں۔ آبپاشی میں غیر ضروری تاخیر نہ کریں۔تاہم گیلی زمین کی آبپاشی مناسب نہیں۔پودوں پر نئی بڑھوتری کو یقینی بنائیں اور اس کا کیڑوں سے تحفظ بھی کریں تاکہ یہ آئندہ سال پھل دے سکیں ۔ اگیتی اور درمیانی اقسام کی بروقت خوراک اور آبپاشی کی بدولت نئی بڑھوتری شروع ہے تاہم ان پودوں کی نئی بڑھوتری پر تھرپس ، لیف مائنر اور پتہ لپیٹ سنڈی کے حملے کا خطرہ ہے۔ نئے پتوں کا بغور مشاہدہ کرتے رہیں اور کسی بھی کیڑے کے حملے کی صورت میں تحفظ کو یقینی بنائیں - زمیں میں نمکیات کی زیادتی کی صورت میں درختوں کے تنے کے گرد مٹی چڑھائیں اور اونچا تھلہ بنائیں تاکہ نمکیات جڑوں کی حدود سے نکل جائیں۔ تیلہ کے حملہ کی صورت میں ہاتھ والی سپرے مشین سے صرف تنوں اور موٹی ٹہنیوں کو کیڑے ما ر زہر کا سپرے کریں ۔پھپھوند کش اور کیڑے مار ادویات کو ملا کر استعمال کرنے سے گریز کریں۔ باغ میں زمینی لیول کو بہتر بنائیں۔
گنا
کماد کی آبپاشی پر خصوصی توجہ دیں ۔ گری ہوئی فصل کے لیئے ہر آبپاشی پر 5کلو گرام پوٹاش فی ایکڑ پانی کے ساتھ فلڈ کریں۔ کماد کی آبپاشی کا وقفہ موسم کی مناسبت سے 20 سے 30 دن رکھیں ۔ 8 سے 10 فٹ بڑے کماد میں سفید مکھی کے موئثر کنٹرول کے لئے کلورپائیریفاس 2 لیٹر فی ایکڑ دوپہر کے وقت جب ہو ا بند ہو پانی کے ساتھ فلڈ کریں ۔مونڈی فصل میں بیماری سے متاثرہ پودے تلف کریں۔ کماد کے گڑواں کے طبعی انسداد کے لئے روشنی کے پھندے لگائیں۔ مزید براں کماد کے گڑوووں کے انسداد کے لئےمحکمہ زراعت کی سفارشات پر عمل کریں۔ کماد میں کالی کیڑی کے حملے کو کنٹرول کرنے کے لئے بائی فینتھرین بحساب 250 ملی لیٹر فی ایکڑ استعمال کریں۔